http://www.visitskudeneshavn.no/

Ertu að fara til Noregs í sumar??????????

Kannski með ferjunni??????Wink

þá er tilvalið að koma við á Karmöy á Vesturlandinu. Þar er mikið að skoða og koma við í Skudeneshavn er skylda. Farðu inn á linkinn visitskudeneshavn og þar færðu margar upplýsingar um staðinn og eyjuna.

Við erum íslensk fjölskylda sem búum í Skudeneshavn og erum með íbúð til leigu fyrir ferðamenn, endilega hafa samband við okkur ef ykkur vantar gistingu. Hér er yndislegt að stoppa og skoða sig um.

Með fyrirfram kveðju amariak@start.no   Anna Maria


ertu á faraldsfæti í sumar til Noregs?

jæja þá er maður komin í gang, langt síðan síðast. Kannski er það árstíminn sem kemur manni í gang. Hér er allavega vorið komið og búið að vera yndislegt veður síðstu daga, logn og sól og hitinn rétt um 10 gráðurnar. Grin

Þá datt mér í hug sumarfrí. Nú fer það að skella yfir okkur og fólk fer kannski eitthvað, annaðhvort í sínu eigin landi eða til ókunnra landa. Þá datt mér í hug að láta vita af þessum fallega stað sem ég bý í í Noregi.Set inn link hérhttp://www.visitskudeneshavn.no/

Á þessum stað búum við fjölskyldan og búin að búa hér sl. 13 ár. Við erum með íbúð sem við leigjum út á sumrin fyrir túrista. Ef þú ert t.d. að koma með ferjunni til Bergen er það upplagt að koma hér við. Hér er mikið að skoða.

Ef áhuginn er fyrir hendi, endilega hafa samband amariak@start.no eða hringja 0047-52824804 og við gerum allt til að þú/þið fáið eftirminnilega veru í Skudeneshavn og nágrenni.

kv. amaría


1 vika eftir

Jæja nú er bara ein vika eftir hjá mér í sjúkrafríi. Fer að vinna 2. okt. og hlakkar mig mjög mikið til, þó svo að ég sé bara að vinna 2 daga í viku. Ég hitti þó fólk í vinnunni og blessuð börnin, ( vinn í leikskóla). Það er alltaf gaman að hitta börnin. Þau eru yndisleg, taka vel á móti manni. Nú svo get ég farið að byrja að koma mér í æfingu aftur. Út að ganga, fara í spinning og svitna, scanetix og bara að hreyfa sig. Búin að sakna þess mikið, en þetta er allt á réttri leið. Svo gengur allveg rosalega vel að hætta að reykja. Hef ekki reykt síðan 06. ágúst og ekki langað í rettu. Það er ótrúlegt hvað allt breytist við að hætta að reykja. Maður finnur bragð af matnum. Ýmislegt sem manni fannst ekki sterkt á bragðið er allt í einu orðið alltof sterkt. Meira bragð af bjórnum, og það skrítna við það er að mér finnst bjórinn ekki eins góður núna. Hann þarf að vera allveg ískaldur þegar ég fæ mér.

Svo er bara heilsan sem er orðin allt önnur. Allt svo miklu léttara. Svo sleppur maður við þetta stress að þegar maður er að fara eitthvað, t.d. á bílnum, búin kannski að keyra í einhvern tíma, þá varð maður nú að fá sér eina. Þá var að finna stað til að stoppa á, rúlla eina og standa úti og púa, því ekki gat maður farið inn á t.d. veitingastað og reykt því það er bannað. Svo ég mundi segja að það er bara jákvætt við að hætt að reykja.

baráttukveðjur frá Norge....................amaria


leti-leti-leti

Ja nú verð ég bara að viðurkenna að ég held ég hljóti að vera sú latasta í bloggheiminum. Nú sit ég heima í sjúkrafríi, var verið að krunka í mig fyrir rúmri viku og verð ég frá vinnu fram til 02. okt. Ég er ótrúlega hress miðað við aðstæður en þrekið frekar lítið en það kemur.

Það er stór dagur í dag, Kristófer er 10 ára. Stór strákur. Til hamingju besti ömmustrákur. Nú eru bara rétt rúmir 3 mánuðir þangað til við sjáumst.

Nú skín sólin hér en haustið er farið að segja til sín með rigningu og vindi og gulum blöðum á trjánum. Samt held ég að það verði að slá grasið hjá okkur fyrir veturinn, má ekki vera of mikið. Það er bara að virkja unglinginn á heimilinu til þess.

Nú er að sjá hvort það líður svona langur tími þar til ég sest niður og skrifa eitthvað á þessa bloggsíðu mína.....................amaria


íbúð í Noregi

Nú er ég búin að leggja út myndir af íbúð sem við erum með í kjallaranum hjá okkur. Þessi íbúð er til leigu, bæði í daga og vikur. Byrjuðum í sumar að leigja út til túrista. Þar sem við búum er mjög fallegt. Þetta liggur mjög vel í leið fyrir þá sérstaklega sem koma með ferjunni frá Íslandi til Bergen. Við liggjum ca. 4 tíma keyrslu sunnan við Bergen. Skudeneshavn var kosin sumarbær í Noregi sumarið 2004. Hér er mjög fallega varðveittur gamli bær. Þröngar götur, hvít hús. Bærinn byggðist upp í kringum síldina og er þetta einn best varðveitti bæjarhluti í Noregi.

Þeir sem hafa áhuga og eru á ferðinni og vantar húsnæði þá er bara að hafa samband hér á blogginu.

kv. Anna María


vika 2

Þá er maður byrjaður á viku 2 í reykingastoppinu. Þetta gengur bara rosalega vel. Er annað slagið pirruð og veit ekki allveg hvað ég á að gera af mér en þá dríf ég mig út í göngutúr og þá er deginum reddað. Nú svo hef ég líka tekið af 1 kíló og það finnst mér vera vel gert, þó ég segi sjálf frá. Yfirleitt leggur maður á sig en ég tók hina leiðina og er mjög stolt af sjálfri mérSmile.

Nú er bara halda áfram á þessari braut og losa sig við þennann ljóta ávana. Hef prófað að hætta áður. Hætti einu sinni í 1 og hálft ár en byrjaði aftur vegna þess að ég byrjaði að taka einn og einn smók og þá er það gert. Tel það bara gott að geta hætt í einhvern tíma. Gott fyrir líkamann að hreinsa sig.

kveðjur til allra sem eru að hætta að reykja................Anna María


dagur 2

Þá er dagur 2 að verða búin. Þetta er búið að ganga ótrúlega vel. Það hefur komið yfir mig löngun, en þá er bara að draga andann djúpt fá sér vatn og þá er það búið. Svo er líka eitt mjög gott með að hætta að reykja og það er að maður verður svo aktívur. Alltaf eitthvað að gera. T.d. er Tryggvi búinn að vera stækka og laga pallinn hjá okkur. Smile Áður en við hættum þá keypti ég DVD-disk með dáleiðslu. Þetta er norskur dáleiðari sem hefur verið mikið í sjónvarpi og heitir Torgrim Holte. Þetta er diskur sem heitir "Stump röyken" og á að hjálpa manni að hætta að reykja. Við hjónakornin komum okkur fyrir í sófanum og síðan byrjaði þetta. Ég verð nú að segja að þetta var ótrúlegt. Ég allavega náði að slappa mjög vel af og reyndar sofnaði í restina og vaknaði við að það er sagt "Gratulerer du er nå røykfri" Ég var náttúrlega hamingjusöm þegar ég heyrði það, en tíminn á eftir að leiða í ljós hvort þetta hjálpar. Ætla allavega að nota þennann disk þegar mér líður illa. Annars er þetta ekkert málWink.

kv...............Anna María


reykingastopp

Joyful Í gærkvöldi kl. 00.30 drap ég í síðustu rettunni. Var búin að ákveða að hætta á þessum degi, 7. ágúst og hann er komin. Nú svo er bara að takast á við þetta verkefni og komast í gegnum fyrstu vikurnar. Ég veit að þær verða erfiðar en það er bara að vera ákveðinn við sjálfan sig, því að reykja er ógeðslegtDevil Ekki bara fyrir sjálfan sig heldur fyrir alla í kringum sig. Nú svo er að verða erfiðara og erfiðara að finna stað til að reykja á. Alstaðar bannað og er það bara gott. Svo er að vísu annað vandamál sem maður þarf að vinna á en það er viktin. Það er nú þannig að maður þyngist alltaf þegar maður hættir að reykja, hvort sem maður borðar mikið eða lítið. En ég byrjaði að hreyfa mig í vor, göngutúra, spinning og fl. Með því hef ég náð að taka burtu 4 kg. og á ég þau þá til góða ef illa fer. Ætla mér samt ekki að þyngjast. Vera dugleg að hreyfa mig þá gengur þetta og passa líka hvað ég set inn fyrir mínar varir.

Svo er það allur kostnaðurinn við að reykja. Við erum búin að reikna út að það kostar okkar 29 þús. n.kr. að reykja yfir árið. Það er mikill pengingur. Komumst að því að við getum farið eina ferð til Íslands,( annað okkar), einu sinni í mánuði.

Vona bara að ég fái stuðning hér .

amaria

 


veðurspá

Veðurspáin fyrir daginn í dag var 23 stiga hiti og sól. Var búin að ákveða að nota þennann sunnudag í að liggja í sólbaði og bara slappa af. Vaknaði svo kl. 8 í morgun og það sem ég sá út um gluggann var þoka og rigningAngry. Svo það verður ekkert úr sólbaðinu.

Annars voru gestirnir að fara í morgun til Íslands. Alltaf tómlegt í húsinu eftirá og tekur mann smá stund að átta sig á að þeir séu farnir. En svona er nú þetta, allt tekur enda. Þetta er búið að vera mjög skemmtilegur tími þessar 2 vikur. Nú svo er bara að hlakka til þar til við hittumst næst sem verður um áramótin.

Þessi dagur fer líklega bara í að finna sér eitthvað að gera inni eða að gera ekki neitt, það er líka gott annað slagið.

kv. Amaria


þá er ég mætt

Ég var víst búin að lofa að vera duglegri að blogga en nú er búið að vera svo brjálað að gera síðustu 10 daga, hef bara ekki haft tíma. Erum búin að vera með gesti frá Íslandi og þegar maður er með gesti á maður að snúast í kringum þá og það erum við búin að gera. Vorum í Stavanger frá föstudegi til sunnudags, mjög gaman en veðrið hefði mátt vera betra, rigning og vindur. Fórum mjög fína ferð á laugardeginum inn Lysefjorden. Ætluðum okkur að sjá Prekestolen frá sjó en því miður þá var þoka á toppnum þannig að ekkert varð úr því en mjög góð ferð fyrir það.

Og hér rignir upp á hvern dag, ekki beint sumarveður. Eitthvað er nú verið að spá betra undir helgi, vona að það rætist. Það er nú svo að veðrið hefur mikil áhrif á allt og alla og þá sérstaklega þegar maður er í sumarfríi. Þá vill maður helst hafa sól og hlýindi. Því miður hefur maður lítil áhrif á þetta eða kannski allveg eins gott að svo sé ekki. Það er nú bara þannig að þegar sólin skín þá léttist yfir öllu og öllum og allir verða glaðir. Þá er bara að þessir blessaðir veðurfræðingar hafi rétt fyrir sér og sólin láti sjá sig þegar nær dregur helgi.

kv.................Anna María

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband